Navigearje
Jo navigearje yn de Myn Loket / Bedriuweloket fia it menu yn de lofterkolom.
De ‘Terug”- funksje
- Mei de ‘Terug’- link yn it loftermenu komme jo werom nei it Wolkomstskerm fan Myn Loket/Bedriuweloket.
- Mei de griene ‘Terug’-knop rjochtsboppe geane jo werom nei de foarige side.
- De ‘Terug’-knop yn it ‘browsermenu’ kinne jo better net brûke.
Menu-opsjes
Persoanlike gegevens
Fia de menuopsje ‘Persoonlijke gegevens’ kinne jo jo eigen gegevens ynsjen.
Jo formulieren
Fia de menuopsje ‘Uw aanvragen’ krije jo ynsjoch yn alle formulieren dy’t jo ynfold hawwe en dy’t fia in beskaat kommunikaasjekanaal (post, e-mail, ynternet) by de gemeente oanlevere binne. By alle formulieren stiet oanjûn fia hokker kommunikaasjekanaal dit formulier oanmakke is. As jo dat wolle, kinne jo de formulieren ek útprintsje.
Dossierstikken
Mei de menuopsje ‘Dossierstikken’ krije jo ynsjoch yn alle stikken dy’t fan en nei de gemeente ferstjoerd binne. Hjirby sjogge jo gronologysk hokker ôfspraken oer en wer makke binne. Tagelyk kinne der ek oare relevante dokuminten as bylagen taheakke wurde (bygelyks boutekenings by in boufergunningoanfraach, fergunnings, beskikkings).
Formulier ynfolje
Op dizze webside kinne jo ferskate gemeentlike produkten oanfreegje fia in digitaal formulier. De formulieren binne foarsjoen fan dúdlike fragen en helpteksten. In oantal wichtige punten by it ynfoljen binne:
Tuskentiids opslaan
Alle formulieren binne yn in tal fragenblokken ferdield. Wannear't jo in formulier ynfolje, wurdt dizze tuskentiids opslein op it stuit dat jo in frageblok ôfslute (troch te klikken op de knop ‘Volgende’).
Ofdrukke
Mei de knop ‘Afdrukken’ rjochtsboppe kinne jo in formulier ôfdrukke, ek as jo it formulier noch net hielendal ynfold hawwe.
Betelje
Foar guon produkten moatte jo kosten (leezjes) betelje. Yn dat gefal komme jo nei it ynfoljen fan it oanfraachformulier yn in skerm terjochte wêryn't jo de betelling fia ‘iDeal’ regelje kinne.
Time out
Wannear’t jo nei it ynloggen in lang skoft de webside net brûke, dan ferrint jo DigiD-ynlochsessy. Jo moatte jo dan wer op'e nij oanmelde.
Help
Hawwe jo help nedich by it ynfoljen fan in formulier, dan kinne jo kontakt opnimme mei de gemeente Littenseradiel, tillefoan (0515) 334444.
